වැඩක් කරනකොට නිතරම තමන්ගේ මානසික ඒකාග්‍රතාවය බිඳෙනවාද? අතර මග වෙන වෙන අරමුණු වලට හිත ගිහින් තමන්ගේ වැඩේ නියමිත වෙලාවට කර ගන්න බැරි වෙනවාද? පොඩි වැඩක් කරන්නත් හිතුවාට වඩා වැඩි වෙලාවක් ගත වෙන ස්වභාවයක් නිතරම අත් විදින්න ලැබෙනවාද?
එහෙනම් මේ ලිපිය ඔයා වෙනුවෙන්මයි.
අද මේ ලිපියෙන් ඔබට කියලා දෙන Pomodoro ක්‍රමය භාවිතා කලොත්, මේ ඔක්කොම ප්‍රශ්ණ විසඳගෙන, බොහොම පහසුවෙන් ඵලදායීව වැඩ කරන්න පුලූවන් කෙනෙක් බවට පත් වෙන්න ඔයාටත් පුළුවන්.
එහෙනම් කෙලින්ම අපි මේ Pomodoro ක්‍රමය කියන්නේ මොකක්ද කියලා බලමු.
Pomodoro ක්‍රමය කියන්නේ, ඵලදායීතා වර්ධනය අරමුණු කරගත්ත, කාල කළමණාකරණ උපක්‍රමයක්. මේ ක්‍රමයේදී වෙන්නේ, අපි වැඩක් කරනකොට, එක දිගට වැඩ කිරීම වෙනුවට, විනාඩි 25ක් වැඩකරලා, විනාඩි 5ක් විවේක ගැනීම ආකාරයෙන් කොටස් 4ක් වැඩ කරලා, අවසානයේ විනාඩි 15-30ත් අතර ලොකු විවේකයකට යන එක.
සරලව සදහන් කලොත් මෙන්න මෙහෙමයි,
අපි හිතමු ඔබට විභාගයක් වෙනුවෙන් යම් විශයක් පාඩම් කරන්න තියෙනවා කියලා. ඒ වගේම අපි හිතමු අදාල විශය පාඩම් කිරීම වෙනුවෙන් ඔබ අද දවසේදී පැය 3ක කාලයක් වෙන් කරගෙන තියෙනවා කියලා.
මෙතැනදී ඔබ මේ වෙනුවෙන් Pomodoro ක්‍රමය භාවිතා කරනවානම්, කරන්න ඕනේ දේ වෙන්නේ, එක දිගට පැය 3ම පාඩම් කරනවා වෙනුවට, විනාඩි 25ක් පාඩම් කරලා විනාඩි 5 ක් විවේක අරගන්න එක, මේ වගේ වාර 4ක් කරලා නැවත විනාඩි 15 -30 අතර විවේකයක් අරගෙන, නැවත විනාඩි 25 පාඩම් කිරීම සහ විනාඩි 5 විවේක ගැනීමේ රටාව පටන් ගන්න එක.
පාඩම් කල යුතු කාලය පැය 03
පලමු පැය
25 Min - පාඩම් කිරීම
05 Min - විවේක ගැනීම
25 Min - පාඩම් කිරීම
05 Min - විවේක ගැනීම
දෙවැනි පැය
25 Min - පාඩම් කිරීම
05 Min - විවේක ගැනීම
25 Min - පාඩම් කිරීම
05 Min - විවේක ගැනීම
දීර්ග විවේකය - 15-30 Min
තෙවැනි පැය
25 Min - පාඩම් කිරීම
05 Min - විවේක ගැනීම
25 Min - පාඩම් කිරීම
05 Min - විවේක ගැනීම
Pomodoro ක්‍රමය තුල ඵලදායීතාවය වැඩි වෙන්නේ කොහොමද?
1. Pomodoro ක්‍රමය භාවිතා කිරීමේදී සාමාන්‍යයෙන්, අදාල කාල සීමාවන් නිවැරැදිව මැන ගැනීම වෙනුවෙන් Timer එකක් භාවිතා කරන්න අපිට සිදුවෙනවා, මෙයත් සමග අපි විනාඩි 25ක කාලය ගෙවීම ගැන අවදානයෙන් සිටීම සිදුවෙනවා, මේ නිසා අදාල කාලය තුල කල හැකි උපරිමය කරන්නට, ස්වභාවික පෙලබවීමක් මේ හරහා අපි තුල ඇති වෙනවා.
2. ඒ වගේම කාලය ගත වීම ගැන අවදානයෙන් සිටීමේදී අපි සෑම කෙනෙක් තුලම සුවිශේෂී ඵලදායීතා වර්ධනයක් ස්වභාවිකව සිදුවෙනවා.
උදාහරණයක් විදිහට, සාමානයෙන් විනාඩි 10ක් තුල කරන වැඩ ප්‍රමාණය වගේ දෙගුණයකට ආසන්න වැඩ ප්‍රමාණයක් ඔබට, විනාඩි 10ක Timer එකක් ඉදිරියේ තබාගෙන වැඩ කලොත් කරන්න පුළුවන්.
මෙන්න මේ නිසාත් Pomodoro ක්‍රමය භාවිතා කිරීමේදී විශාල ඵලදායීතා වර්ධනයක් සිදු වෙනවා.
3. සාමාන්‍යයෙන් මානසික ඒකාග්‍රතාවය යම් දෙයක් කෙරෙහි දීර්ග වේලාවක් පවත්වාගෙන ගියොත් එතැනදී ඇති වෙන මානසික වෙහෙස නිසා, මානසික ඒකාග්‍රතාවය පවත්වාගෙන යන්න බැරි ස්වභාවයක් ස්වභාවිකව අපි තුල ඇති වෙනවා.
ඒ නිසා සාමාන්‍යයෙන් පැය කීපයක වැඩක් කරන කෙනෙක්ට, ආසන්න වශයෙන් මිනිත්තු 90කින් පමණ පසු, මානසික ඒකාග්‍රතාවය පවත්වාගෙන යාමේ දැඩි අපහසුවක් ඇතිවෙනවා.
මේ නිසා, Pomodoro ක්‍රමය තුල සිදුවෙන කෙටි විවේකයන් හරහා, මනස වෙහෙසට පත් වීම බොහෝ සෙයින් අඩු කරනවා, මේ නිසා, මේ ක්‍රමය භාවිතා කරන්නෙක්ට දවසේ වැඩි කාලයක්, උපරිම මානසික ඒකාග්‍රතාවයක් ඇතිව වැඩ කරන්න පුළුවන් වෙනවා.
4. යම් වැඩක් දිගු කාලයක් පුරා කරගෙන යාමේදී, ඇතුවෙන තවත් ගැටලුවක් තමයි ඒකාකාරී බව නිසා, රාජකාරී නීරස වීම. මේ ක්‍රමය හරහා, මනස සෑම විනාඩි 25කටම වරක් ඒකාකාරී බවෙන් මුදවනවා. මේ නිසා මේ හරහා ඕනෑම වැඩක් තුල නීරස වීම අවම කරගන්න හැකියාව පවතිනවා.
Pomodoro ක්‍රමය තුල විවේක ගැනීම
Pomodoro ක්‍රමය තුල විවේක ගැනීමේදී පහත දේ ගැන අවදානය යොමු කිරීම වැදගත්.
ඔබ එක තැන හිදගෙන වැඩ කරන කෙනෙක් නම්, විවේකය තුල ඇවිදීම හා ක්‍රියාශීලී වීම සිදු කරන්න. ඔබ ක්‍රියාශීලීව වැඩ කරන කෙනෙක් නම් හිඳගෙන විවේක ගන්න.
විවේකය තුල ඔබව පිනවන, සැහැල්ලුවට පත් කරන ආකාරයේ ගීතයක් හෝ සංගීතයකට සවන්දීම වැනි දෙයක් සිදු කරන්න
විවේකය තුල සංකීර්ණ මාතෘකා සාකඡ්චා කිරීමෙන් වලකින්න.
පරිගනක, පොත් පත් වැනි දේ සමග වැඩ කරන කෙනෙක් නම්, විවේකය තුල, ඈත පරිසරයේ ඇති දේ නරබන්න. (ලග ඇති දේ බැලීමෙන් ඇස වෙහෙසට පත් වීම වලක්වා ගැනීම වෙනුවෙන්.)
එහෙම නම් මේ ක්‍රමය ඔබත් Try කරලා බලලා, ප්‍රතිඵල කොහොමද කියලා අපිටත් කියන්න.
ඉලක්ක පිහිටුවීම, සැලසුම්කරනය, මානසික ඒකාග්‍රතාවය ඇතිකර ගැනීම, මූල්‍ය කළමණාකරණය වැනි ජීවිතයේ සාර්ථකත්වයට වැදගත් වන දේ ගැන සරලව හා ප්‍රායෝගිකව ඉගෙන ගන්න, පහත ප්‍රායෝගික උපදෙස් පොත් Download කරගෙන කියවන්න.
ඉලක්ක පිහිටුවීම, සැලසුම්කරනය, කාල කළමණාකරනය පිලිබද ප්‍රායෝගික පියවර සහිත උපදෙස් ඇති ප්‍රායෝගික උපදෙස් පොතකි.
සිත එක තැනක රදවාගෙන වැඩ කරන්නට ඇති හැකියාව දියුණු කර ගැනීම ප්‍රායෝගිකව සිදුකරන ආකාරය ගැන, පියවර සහිත උපදෙස් හා අභ්‍යාස සහිත ප්‍රායෝගික උපදෙස් පොතකි.
මූල්‍යමය ස්ථාවර බව හා නිදහස් බව ගොඩනගා ගැනීම වෙනුවෙන් ප්‍රායෝගිකව මුදල් කළමණාකරණය කල යුතු ආකාරය ඇතුලත් ප්‍රායෝගික උපදෙස් පොතකි.
මූල්‍යමය වශයෙන් අසාර්ථක වූ, ණය සහිත අර්බුදකාරී තැනක සිට නැවත නැගී සිටීමට කල යුත්තේ කුමක්ද යන්න පිලිබද පියවර සහිත උපදෙස් ඇතුලත් ප්‍රායෝගික උපදෙස් පොතකි.
Online ගෙවීම් කරන්න බැරි අයට, බැංකු ගිණුමට මුදල් බැර කිරීමෙන් හෝ Ez Cash හරහා ගෙවීම් සිදු කිරීමෙන්, මෙය email එකට ලබා ගන්න පුලුවන්. ඒ සදහා 0764393624 අංකයට WhatsApp පණිවිඩයක් එවන්න
ජීවිතයේ සාර්ථකත්වයට අදාල විවිද මාතෘකා ගැන පාඩම් ඇතුලත් Premium Blogs කියවීමට හා Podcast සහ Masterclass සදහා Access කිරිමට මෙතැන Click කරන්න. නැත්නම් වෙබ් අඩවියේ මෙනුවේ ඇති Premium කොටස වෙත පිවිසෙන්න.